Alles fahrt Schi

 

 

Alles fahrt Schi

1.
’s Grittli mit Keilhose, satte, puderet, g’schminkt, parfümiert,
stoht wie ne Kueh uff de Latte, z’mitts uff dr Piste und friert.
D’Hänsche hett ’s Grittli verlore, iskalt sind d’Finger vom
Schnee; ‘s jommeret halber verfrore: «Wie schön wär’s bim
Feif-o-Glogg-Tee!»

Refr.: Alles fahrt Schi, alles fahrt Schi, Schi fahrt die ganzi Nation.
Alles fahrt Schi, alles fahrt Schi, d’Mamme, dr Bappe, dr Sohn.
Es git halt nüt Schöners, juhe, juhe, als Sunneschy, Bärge und Schnee.

2.
D’Schilehrer flott demonstriere, Slalom und Sprunglauf im
Schuss. Gli wills dr Meier probiere, fliegt wiene Mählsagg
uff d’Nuss. Springe uff d’Syte macht Freude; stolz seit dr
Lehrer «’s isch guet!» Druff meint der Meier bescheide:
«Der Sytesprung liegt mir im Bluet!»

Refr.: Alles fahrt Schi, alles fahrt Schi, Schi fahrt die ganzi Nation.
Alles fahrt Schi, alles fahrt Schi, d’Mamme, dr Bappe, dr Sohn.
Es git halt nüt Schöners, juhe, juhe, als Sunneschy, Bärge und Schnee.

3.
D’Sässelilift bringe d’Pärli uffe ins Bärgrestaurant, dört sitzt dr Köbi
und ’s Clärli, fröhlig im Liegstuel binand. ’s Clärli tuet salbe und
schmiere, ’s liegt an der Sunne ganz schlapp; schüch seit’s mit
zündroter Bire: «Ich fahr mit em Bähnli durab!»

Refr.: Alles fahrt Schi, alles fahrt Schi, Schi fahrt die ganzi Nation.
Alles fahrt Schi, alles fahrt Schi, d’Mamme, dr Bappe, dr Sohn.
Es git halt nüt Schöners, juhe, juhe, als Sunneschy, Bärge und Schnee.

4.
Zobe bim Tanz seit der Dölfi: «Samba git Vorlag in d’Bei!» ’s Miggi
macht mit bis am zwölfi, ’s gfallt em, ’s möcht gar nümme hei.
Schnäll nimmt’s en Schluck vo sym Schnäpsli, git dänn im Dölfi
der Räscht. Plötzlig seit es zu sym Schätzli:
«Ich blib morn der ganz Tag im Näscht!»

Refr.: Alles fahrt Schi, alles fahrt Schi, Schi fahrt die ganzi Nation.
Alles fahrt Schi, alles fahrt Schi, d’Mamme, dr Bappe, dr Sohn.
Es git halt nüt Schöners, juhe, juhe, als Sunneschy, Bärge und Schnee.

 

Auf der Gitarre begleiten
Refrain: C F G7 C (3 x)
Strophen: C F C C F C G

 

Heimatarchiv:
Wir singen….. mit Gfr. Schreiber, 08.1964, Lied 70, Seite 31, Buch 53

Posted on by PΛTRIOT.

It’s a long way uf d`s Guggershörnli!

It’s a long way uf d`s Guggershörnli!

1.
Wenn eine z’Bärn im Houptbahnhof es Retourbillet chouft
u de no mit de blutte Füess uf Schwarzeburg ufe louft.
De hett er geng no wyt uf ds Guggershörnli, it’s a long way to go,
de hett er geng no wyt uf ds Guggershörnli, hätt das Chalb doch ds Bähnli gno.
Fare well, o Niederscherli, good by Schwarzwasserbrügg.
De hett er geng no wyt uf ds Guggershörnli, grad glich wyt, wie zrügg.

2.
U we n’er de im Schwarzeburg im Stedtli ume gheit,
Konserve frisst, e Ploder suuft u d’Gletscherbrülle verheit.
De hett er geng no wyt uf ds Guggershörnli,
it’s a long way to go, de hett er geng no wyt uf ds Guggershörnli,
hett das Chalb kei Ploder gno!
Fare well, o Fleischkonserve, good bye du guete Wy.
O wär er gschyder doch – deheime bliebe, hätt er’s gschyder la si.

3.
Am Fuess vom Guggershörnli schnallt er ds Gletscherseili a,
er spöit i d’Händ u chratzt am Grind u macht si öppe dra.
De hett er geng no wyt, uf ds Guggershörnli,
i’ts a long way to go, de hett er geng no wyt, uf ds Guggershörnli,
fünfzäh Meter fähle no.
Fare well, o Gletscherseili, good bye, du herte Schtei.
I’ts a long way uf ds Guggershörnli, it’s a long way für hei.

 

Schweizerdeutsch: S isch e länge Wäg uf ds Guggershörnli

Achtung Verwechslungsgefahr, hat nichts zu tun mit dem Lied
Guggisberg-Lied (s’Vreneli ab em Guggisberg)

Heimatarchiv:
Wir singen….. mit Gfr. Schreiber, 08.1964, Lied 64, Seite 29, Buch 53

Posted on by PΛTRIOT.

Menü